“Munozara” turnirining respublika bosqichiga start berildi.
Bugun Urganch davlat pedagogika institutida Oliy ta’lim, fan va innovatsiyalar vazirligi, Yoshlar ishlari agentligi va O‘zbekiston yoshlar ittifoqi Markaziy Kengashi hamkorligida o‘tkazilayotgan “Munozara” respublika turnirining ochilish marosimi bo‘lib o‘tdi.
Marosimda Talaba va o‘quvchilarning ijtimoiy faolligini oshirish markazi direktori Abdumalik Akramov, Urganch davlat pedagogika instituti rektori Feruza Madraximova, Xorazm viloyati oliy ta’lim, fan va innovatsiyalar boshqarma boshlig‘i Ziyovuddin Sa’dullayev hamda hamkor tashkilot mas’ullari so‘zga chiqib, ishtirokchi jamoalarga omad tiladilar.
Shundan so‘ng Hakamlar hay’ati raisi Sunnatillo Bozorboyev turnirning final bosqichi reglamenti va o‘tkazilish tartibi bilan jamoalarni yana bir bor tanishtirib o‘tdi va ishtirokchi jamoa sardorlari bilan birgalikda qur’a tashlash amalga oshirildi.
Ayni damda turnirning guruh bosqichi uchun o‘tish o‘yinlari bo‘lib o‘tmoqda. O‘tish o‘yinlarida g‘olib bo‘lgan jamoalar guruh bosqichida ishtirokini davom ettiradi. Turnirda ishtirok etayotgan barcha jamoalarga omad tilaymiz.
So'nggi yangiliklar
Markaz jamoasi Samarqandga sayohat qildi!
“Yoshlar va ilm-fan” nomli ilmiy-ommabop, o‘quv-metodik hamda ma’naviy-ma’rifiy jurnalining 2026-yil 1-soni e’lon qilindi!
Orolbo‘yi – ezgu niyatlar va sog‘lom qadamlar maskani!
“Talabalar teatr studiyalari” festivalining final bosqichi Andijonda o‘tkaziladi
“To‘maris izdoshlari” tanlovining hududiy bosqichlari bo‘lib o‘tmoqda
Buxoro davlat pedagogika instituti tashabbusi bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida keng ko‘lamli ommaviy yurish marafoni tashkil etildi.