Yangiliklar

Qoraqalpog‘istonda yoshlar bilan ishlash bo‘yicha yangi tashabbuslar doirasidagi tadbirlar o‘tkazilmoqda.

    

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi, Madaniyat vazirligi hamda Yoshlar ishlari agentligi hamkorligida Qoraqalpog‘iston Respublikasida yoshlar bilan ishlashga qaratilgan qator ma’naviy-ma’rifiy va madaniy tadbirlar hamda yangi tashabbuslar amalga oshirilmoqda.

🔹Mazkur tashabbus doirasida talaba-yoshlar o‘rtasida o‘zaro muloqotlar, ko‘ngilochar tadbirlar, innovatsion va ijodiy uchrashuvlar, yoshlarning qiziqish va tashabbuslarini qo‘llab-quvvatlashga qaratilgan loyihalar tashkil etilmoqda.
 

📌 Jumladan:

🔹Qoraqalpoq davlat universitetida oliy ta’lim tashkilotlari talabalari o‘rtasida “Vatanparvar yoshlar – Yagona O‘zbekiston kelajagi bunyodkorlari” mavzusida uchrashuvlar tashkil etildi. “Yagona O‘zbekiston – umumiy uyimiz”, “Vatanparvar yoshlar – mamlakat kelajagi egalari” hamda “Birlik va hamjihatlik – Yangi O‘zbekiston poydevori” mavzularida targ‘ibot tadbirlari o‘tkazildi.

🔹Nukus davlat pedagogika institutida ham “Vatan taqdiriga daxldorlik hissi – mening fuqarolik burchim” mavzusida uchrashuvlar tashkil qilindi. Shuningdek, talabalarning teatr san’atiga bo‘lgan qiziqishini oshirish maqsadida “Talabalar teatr kunlari” tashkil etildi.

✅ Mazkur tashabbuslar yoshlar o‘rtasida do‘stlik, hamjihatlik, vatanparvarlik va madaniy integratsiyani mustahkamlashga xizmat qilmoqda.

So'nggi yangiliklar