Yangiliklar

    “Yoshlarda kasbiy mahoratni shakllantirishda notiqlikning o‘rni” mavzusida davra suhbati bo‘lib o‘tdi

    Bugun Talaba va o‘quvchilarning ijtimoiy faolligini oshirish markazi hamda Shahrisabz davlat pedagogika instituti hamkorligida ZOOM platformasida o‘tkazilgan davra suhbatida markaz bo‘lim boshlig‘i Maftuna Gapparova, O‘zbekistonda xizmat ko‘rsatgan jurnalist Nilufar Umrzoqova hamda talaba-yoshlar ishtirok etishdi.

    Davra suhbati davomida jurnalist Nilufar Umrzoqova talabalarga “O‘z kasbining yetuk mutaxassisi bo‘lishida notiqlik  sirlari” mavzusida ma'lumotlar berdi.  Shuningdek, Maftuna Gapparova boshqaruv madaniyati, ta'limda ma'naviyatning o‘rni, bugungi kunda yoshlarga yaratilayotgan imkoniyatlar borasida o‘z mulohazalarini aytib o‘tdi. Shundan so‘ng, “Yil talabasi – 2023” Respublika ko‘rik-tanlovida “Yilning eng namunali tadbirkor talabasi” nominatsiyasi g‘olibasi Gulsanam Sattorova tengdoshlariga hozirgacha erishgan muvaffaqiyatlari haqida so‘zlab berdi.

    Ochiq muloqot tarzida o‘tgan davra suhbatida talaba-yoshlar o‘zlarini qiziqtirgan savollariga javob olishdi. Institutning Musiqiy ta'lim yo‘nalishi ijodkor talabalari tomonidan ijro etilgan kuy-qo‘shiqlar esa tadbirga ko‘tarinki kayfiyat ulashdi.

So'nggi yangiliklar