Bugun Talaba va o‘quvchilarning ijtimoiy faolligini oshirish markazi hamda “Ziyo Forum” ilm-fan va ta’lim tarbiyani rivojlantirish Xalqaro fondi hamkorlikda Toshkent davlat yuridik universitetida O‘zbekiston Respublikasi Konstitutsiyasining 31 yilligi munosabati bilan “Yoshlar huquqlarini kafolatlash Yangi O‘zbekiston konstitusiyasining ustuvor yo‘nalishi” mavzusidagi Respublika ilmiy-amaliy konferensiyasi tashkil etildi.
Mazkur konferensiyada Zoom ilovasi orqali, onlayn tarzda Respublikamizning barcha hududlaridagi oliy ta’lim muassasalari talaba-yoshlari, tyutorlar hamda professor-o‘qituvchilar ishtirok etishdi. Konferensiya davomida Talaba va o‘quvchilarning ijtimoiy faolligini oshirish markazi direktori R.Xudayberganov, Yoshlar Parlamenti raisi Sh.Joldasheva, TDYU birinchi prorektori A.Xashimhonov, Yoshlar ittifoqi Markaziy Kengashi raisi T.Poyonov hamda iqtidorli talabalar o‘z ma’ruzalari orqali Yangi Konstitutsiyaning yoshlar hayotidagi ahamiyati, yoshlar huquqlari va xalqchil davlat qurishdagi o‘rni haqida batafsil to‘xtalib o‘tdilar.
Konferensiya yakunida ishtirokchilar bilan Konstitutsiyaga oid savol-javob tashkil etildi. Berilgan savollarga eng birinchi va to‘g‘ri javob bergan talabalar esa tashkilotchilar tomonidan sertifikat va kitoblar to‘plami bilan taqdirlandi.
So'nggi yangiliklar
Markaz tomonidan o‘tkazilgan respublika tanlovlari g‘oliblari tantanali taqdirlandi!
“Ilhom – 2025” mukofoti yakuniy Respublika bosqichi ishchi guruhi o‘z faoliyatini boshladi!
“Vatan ravnaqi, tinchligi va himoyasi yo‘lidagi qahramonlik unutilmaydi” mavzusida ilmiy anjuman bo‘lib o‘tdi
Malaka oshirish kurslari davom etmoqda
Respublika insholar tanlovi g‘oliblari aniqlandi
Respublika ijodiy ishlar tanlovi g‘oliblari aniqlandi!