Yangiliklar

    #malaka_oshirish

    Oliy taʼlim muassasalari tyutorlari uchun yangi o‘quv yilidagi malaka oshirish kurslari boshlandi

    Talaba va oʻquvchilarning ijtimoiy faolligini oshirish markazida oliy taʼlim muassasalarida faoliyat yuritayotgan tyutorlar uchun 36 soatga mo‘ljallangan qisqa muddatli malaka oshirish kurslari tashkil etildi.

    Mazkur o‘quv yilining 16-sentyabr sanasidan boshlab malaka oshirish kurslarining navbatdagi bosqichiga start berildi. Unda Toshkent shahrida oliy taʼlim muassasalarida faoliyat yurituvchi 60 nafar tyutor to‘g‘ridan-to‘g‘ri, hududlardagi oliy taʼlim muassalarining 100 nafar tyutorlari esa onlayn tarzda mashg‘ulotlarda ishtirok etmoqdalar.

    Tashkil etilayotgan mazkur malaka oshirish kurslaridan ko‘zlangan maqsad – tyutorlarning talaba-yoshlar bo‘sh vaqtlarini mazmunli o‘tkazish va ularni kasbga yo‘naltirish, Vatanga muhabbat ruhida tarbiyalash, turli ilmiy to‘garaklarga jalb etish hamda muammo va kamchiliklarini o‘rganib, ularga atroflicha yechim topish, taʼlim muassasalardagi maʼnaviy-maʼrifiy ishlar samaradorligini yana-da yuksaltirishdan iborat.

So'nggi yangiliklar